Kva skal iVest Consult vere dei neste åra og korleis skal vi kome oss dit? På strategisamlinga fekk dei tilsette høve til å kome med tankar, idear og innspel om korleis selskapet skal utvikle seg dei neste åra.
– Det er viktig for oss at strategien ikkje berre blir eit dokument, men noko dei tilsette kjenner seg att i og har eit eigarforhold til, seier Jan Inge Hage, dagleg leiar i iVest Consult.
No blir innspela frå samlinga tatt med vidare i styret sitt arbeid med strategiplanen.
Lokal kompetanse på fleire plassar
iVest Consult er i dag eit av dei største ingeniør- og arkitektselskapa i gamle Sogn og Fjordane. Hovudkontoret vårt ligg i Florø, med avdelingskontor i Sogndal, Førde, Stryn, Bergen og Oslo.
– Breidda er stor. Hos oss jobbar ingeniørar, arkitektar, planleggjarar og andre rådgjevarar på tvers av fagområde for å finne dei gode løysingane for kunden, forklarar han.
Åtte nye tilsette på halvanna år
Strategiarbeidet kjem etter ein periode med vekst. Berre det siste halvanna året har selskapet fått åtte nye medarbeidarar. Det gir oss meir kompetanse og større kapasitet, og er samtidig eit viktig bidrag til lokalsamfunna vi er ein del av.
– Åtte nye tilsette på så kort tid er mykje for eit selskap som oss. Vi er veldig glade for å få fleire dyktige folk med på laget, men det krev ein del av organisasjonen. Nye medarbeidarar skal bli kjende med både bedrifta, prosjekt, system, kundar og måten vi jobbar på, utdjup Jan Inge.
