I samsvar med Plan- og bygningslova, plandelen § 12-8, § 12-3 – vert det varsla om endring av plangrense i samband med tidlegare varsla planarbeid for Privat detaljregulering for Framplassen, gbnr. 202/240 m.fl., Parkeringshus, Forsamlingshus, bustad, planID: 20210102, i Kinn Kommune.
Tiltakshavar er Horne brygge AS v/Anders Nødseth. Plankonsulent er iVest Consult AS.

Formål/Bakgrunn for planarbeidet:

Formål med planen er tilrettelegging for parkeringshus med forsamlingshus/kyrkjelydshus på gbnr.202/240, 202/634, m.fl. Planområdet vert no utvida vestover for å inkludere eigedom på gbnr. 202/225 og delar av gbnr. 202/146 i planarbeidet. Innanfor eigedom gbnr. 202/225 vert det planlagt for å kunne inkludere areal under bakke i nytt parkeringshus som er under planlegging, samt og kunne etablere nytt bustadbygg der eksisterande bustadhus er etablert i dag. Delar av eigedom på gbnr. 202/146, 202/146 vert inkludert i utvida varsling for å kunne vurdere etablering av gangtilkomst frå nytt fortau i Markegata/Lindheimvegen til Kyrkjeparken.
I mot aust er tidlegare varsla planområde no redusert, då dette arealet inngår i ny områdeplan for Markegata/RV5 som er under planlegging. Dette omfattar gbnr. 202/115, 202/116, 202/133, 202/361. Ny varsla plangrense er omlag 5 daa, der endeleg plangrense kan verte justert i planprosessen. Planlagde tiltak er vurdert å kunne styrke sentrumsfunksjonane i Florø ved og betre parkeringstilhøva i sentrum, den trafikale situasjonen langs Markegata, betre gangforbindelsar gjennom området, i tillegg legge til rette for og kunne etablere forsamlingshus/kyrkjelydshus i nær tilknyting til kyrkja.

Prosess:

Det vart halde oppstartsmøte med planavdelinga i Kinn kommune den 27.04.2021, der kommunen tilrår oppstart av planarbeid. Planarbeidet vart varsla og påbegynt sommaren 2021, men der planprosessen stoppa opp blant anna grunna avklaring kring eigedomshøve og planarbeidet for ny RV5/Markegata. Planlagde tiltak er vurderte å falle inn under formål i gjeldande kommunedelplan. Planarbeidet er vurdert å ikkje utløyse krav om konsekvensutgreiing (KU).
Sjå utarbeidd Planinitiativ, referat frå oppstartsmøte og meir utfyllande informasjon i varslingsbrev.

Medverknad og høyringsfrist:

Fagmynde, grunneigarar/naboar mf.l vert inviterte til å kome med innspel gjennom varsling og kunngjering av planoppstart. Det vert lagt opp til vidare tett dialog og avklaringar med aktuelle fagmynde undervegs etter behov.

Dei som har innspel, merknader eller spørsmål til planarbeidet kan vende seg til
iVest Consult AS, innan 06.06.2025